Síðastliðinn miðvikudag var haldinn kynningarfundur í Varmahlíðarskóla um framhaldsskólakerfið. Fundurinn var sérstaklega ætlaður nemendum 10. bekkjar og foreldrum þeirra og sá Margrét Björk Arnardóttir, náms- og starfsráðgjafi, um kynninguna. Góð mæting var á fundinn sem eðlilegt er þar sem 10. bekkingar standa frammi fyrir stórri ákvörðun þegar kemur að því að velja framhaldsnám. Undanfarið hefur lífsleiknin verið helguð náms- og starfsfræðslu þar sem nemendur hafa kynnt sér mismunandi nám og störf og velt fyrir sér markmiðum sínum og gildum.

Þriðjudaginn 21. febrúar n.k. gefst 10. bekkingum kostur á að heimsækja Fjölbrautaskóla Norðurlands vestra og fá að fylgja eldri nemanda í 4 kennslustundir. Þetta er gert til að kynna þeim enn frekar lífið sem framhaldsskólanemar.

Margir framhaldsskólar bjóða upp á opin hús þar sem starfsemi og sérstaða hvers skóla er kynnt. Sendur verður tölvupóstur á foreldra þar sem dagsetningar opinna húsa eru kynntar. Allar nánari upplýsingar varðandi framhaldsskólakerfið og opin hús framhaldsskólanna má nálgast hjá Margréti. Best er að senda póst á netfang: Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Glærukynningu miðvikudagsins má finna hér.