3 undanúrslit sömu helgi

Pangea er stærðfræðikeppni sem haldin er í yfir 17 löndum í Evrópu í 8. og 9. bekk. Aðalmarkmið keppninnar er að vekja áhuga nemenda á stærðfræði. Haldnar hafa verið tvær undankeppnir sem lagðar voru fyrir í skólanum í janúar og febrúar. Í upphafi tóku 3.351 nemandi þátt, allmargir komust áfram í lotu tvö en í úrslitin komust 85 nemendur en þau verða haldin laugardaginn 23. mars í Menntaskólanum við Hamrahlíð. Tveir drengir í 9. bekk komust áfram úrslitin úr Varmhlíðarskóla en það voru þeir Indriði Ægir Þórarinsson og Óskar Aron Stefánsson. Innilega til hamingju með árangurinn strákar. 

 

Verksmiðjan er nýsköpunarkeppni fyrir nemendur í 8. - 10. bekk. Nemendur sendu inn hugmyndir í byrjun febrúar, síðan voru 30 bestu hugmyndirnar valdar úr og nemendur unnu áfram með þær í samvinnu við Fab Lab stöðvar sem eru á víð og dreif um allt land. Þann 1. mars voru síðan tíu bestu hugmyndirnar valdar og halda nemendur þá áfram að þróa hugmyndir sínar í smiðjum Fab Lab sem og í skólanum ásamt af fá aðstoð frá fyrirtækjum í atvinnulífinu. Þrír drengir, þeir Indriði Ægir Þórarinsson, Óskar Aron Stefánsson og Steinar Óli Sigfússon í 9. bekk komust áfram með hugmynd sína Markaleifi í tíu hugmynda-úrslitin. Jafnframt voru þeir beðnir að vinna einnig að hinni hugmynd sinni Einföld markatöng þar sem hún var líks talin mjög góð. Hægt er að lesa nánar um keppnina á http://ungruv.is/verksmidjan/ sem og sjá kynningu strákanna á hugmynd þeirra Markaleifi.