Varmahlíðarskóli

Abbababb!

Mon, 27 Apr 2026 19:35:00 +0000

Árshátíð yngsta og miðstigs fór fram í Menningarhúsinu Miðgarði síðasta vetrardag. Leikritið Abbababb var sett á stokk en það er eftir Gunnar Lárus Hjálmarsson, betur þekktan sem Dr. Gunni. Nemendur frá 1.- 7. bekk tóku þátt í uppsetningunni og var æfingaferlið afar skemmtilegt þar sem nemendur fengu tækifæri til að semja dansa við lögin, leika hunda og túrista, vera smábarn í bleyju og fá tilfinningu fyrir því hvernig er að vera hrekkjusvín (sem þau mæla ekki með). Nemendur í 1. - 3. bekk hófu leikinn á íþróttafjöri þar sem þau fóru á kostum í allskyns hoppum og stökkum, kollhnísum og fleiru skemmtilegu. Á eftir var svo hafist handa við leikritið Abbababb. Æfingaferlið byrjaði í febrúar og lögðu nemendur hart að sér í að læra línur, vera með í persónusköpun og leika saman á sviði. Afraksturinn fór svo fram á síðasta vetrardegi þar sem nemendur stóðu sig frábærlega og var mikið hlegið og klappað í salnum. Einnig erum við ánægð með hversu margir sáu sér fært í að koma og horfa en talið er að um 270 manns hafi verið í salnum. Á eftir var boðið upp á kaffi í Miðgarði þar sem meðal annars var hægt að fá sér djús, skúffuköku og pítsusnúða útbúið af okkar frábæru matráðum í Varmahlíðarskóla.

Stærðfræði og framtíðin

Wed, 22 Apr 2026 12:41:00 +0000

Nemendur í 8. bekk tóku þátt í Pangea stærðfræðikeppninni líkt og undanfarin ár. Aðalmarkmið keppninnar er að vekja áhuga hjá ungu fólki á stærðfræði, hvetja þau sem halda að stærðfræði sé of erfið til dáða með því að sýna þeim að þau geti afrekað mi...

Vettvangsferð í Blönduvirkjun

Tue, 21 Apr 2026 14:14:00 +0000

Nemendur í 8.bekk í Varmahlíðarskóla heimsóttu Blönduvirkjun þann 15. apríl sl. ásamt umsjónarkennara sínum, Unni Erlu Sveinbjörnsdóttur. Lagt var af stað rétt fyrir 9 eftir að nemendur höfðu fengið sér morgunmat. Vilhjálmur Agnarsson starfsmaður B...

Háskólalestin

Tue, 21 Apr 2026 14:07:00 +0000

Nemendur í 8. - 10. bekk fóru í skemmtilega og fræðandi heimsókn þegar Háskólalestin frá Háskóla Íslands var í Árskóla dagana 16.–18. apríl. Háskólalestin er metnaðarfullt verkefni frá Háskóla Íslands þar sem markmiðið er að efla áhuga nemenda á vísindum, fræðum og háskólanámi með lifandi og fjölbreyttri kennslu. Háskólalestin býður upp á kennarasmiðjur og fjölbreytt námskeið fyrir nemendur á unglingastigi Árskóla, Varmahlíðarskóla og Grunnskólans austan Vatna. Nemendur fá tækifæri til að kynnast ólíkum fræðasviðum með virkri þátttöku og skemmtilegum verkefnum. Námskeið sem nemendur geta valið úr eru: Blaða- og fréttamennska Tilraunastofa í eðlisfræði Vísindi bleikjunnar - slepjulegt og saltað Hugrekki í hegðun Íþrótta- og heilsufræði Japönsk fræði Skurðlækingar Sjúkraþjálfun Stjörnufræði Skapandi tæknismiðja Fallbyssu skotkeppni Nánari upplýsingar um verkefnið má finna á heimasíðu Háskólalestarinnar: https://haskolalestin.hi.is/is

Árshátíð yngsta - og miðstigs

Thu, 16 Apr 2026 08:58:00 +0000

Árshátíð yngsta - og miðstigs verður í Menningarhúsinu Miðgarði miðvikudaginn 22. apríl kl. 13. Allir velkomnir.

Vorboðar

Thu, 16 Apr 2026 08:25:00 +0000

Einn af vorboðunum er árleg heimsókn Leikhópsins Lottu. Þá er sýnt í setustofu og fá elstu nemendur í leikskóla að fylgjast með ásamt yngri nemendum í grunnskóla. Áhorfendur eru því alla jafna um 50- 60 talsins. Hópurinn hefur um nokkurt árabil heim...

Innritun í grunnskóla

Thu, 16 Apr 2026 08:00:00 +0000

Sú breyting hefur orðið að innritun í grunnskóla fer nú fram í gegnum island.is Nánar má lesa um málið hér og jafnframt innrita börn.

Dagur einhverfunnar - litríkur dagur

Wed, 08 Apr 2026 18:12:00 +0000

Á morgun fimmtudaginn 9.apríl ætlum við í Varmahlíðarskóla að klæðast regnbogans litum í tilefni af alþjóðlegum degi einhverfu 2. apríl síðastliðinn. Fögnum við fjölbreytileika einhverfurófsins með öllum regnbogans litum. Einhverft fólk er allskonar, rétt eins og annað fólk og hefur einhverfusamfélagið valið sér eilífðarmerkið í regnbogalitunum, til að tákna óendanlega fjölbreytni hópsins.

Maraþon 10.bekkjar

Thu, 26 Mar 2026 13:50:00 +0000

10. bekkur þreytir nú íþróttamaraþon í íþróttahúsinu. Löng hefð er fyrir þessu og hefur íþróttamaraþonið verið haldið sem hluti af fjáröflun elstu nemenda fyrir útskriftarferð þeirra til Danmerkur, venjulega vikuna fyrir páskafrí. Vikurnar fyrir hafa nemendur verið búnir að safna áheitum hjá fyrirtækjum. Dagskráin er mjög fjölbreytt og hafa allir nemendur og starfsfólk skólans tekið þátt í leikjum og dansi með þeim. 10. bekkur keppti einnig á móti starfsmönnum í bandí og bauð starfsfólki upp í dans. Næstu 24 klukkutímana munu þau meðal annars spila fótbolta, synda, hjóla á þrekhjóli, dansa, gera teygjur og margt fleira. Við viljum koma á framfæri miklum þökkum til allra þeirra sem styðja nemendur með áheitum, gjöfum, þátttöku og mörgu fleiru.

Fjólublái dagurinn - dagur flogaveikra

Wed, 25 Mar 2026 11:37:00 +0000

Dagur flogaveikra, einnig þekktur sem Fjólublái dagurinn, er haldinn árlega þann 26. mars til að auka vitund og fræðslu um flogaveiki. Markmiðið er að fræða almenning, draga úr fordómum og styðja við þá sem greinst hafa, oft með því að klæðast fjólubláu.

Fiskaverkefni

Thu, 19 Mar 2026 12:54:00 +0000

Nemendur 4.-5. bekkjar fengu skemmtilega sendingu frá einu foreldri sem vinnur á togara: hinar ýmsu tegundir sjávarlífvera sem slæðst höfðu í net. Þær voru síðan nýttar til náms í skólanum. Það var mikil eftirvænting á föstudagsmorgni þegar skólinn ilmaði af sjávarafurðum (fæstum til mikillar ánægju) og nemendum bauðst að skoða 11 tegundir sem fengnar voru frá föður nemanda sem vinnur á togara. Þetta tengdist þemavinnu nemenda um hafið sem nemendur í 1.-5. bekk hafa verið að vinna með síðustu misseri. Við fengum í hendurnar tindabykkju, steinbít, hlýra, grásleppu, lúðu, þorsk, ýsu, karfa, blágómu, krossfiskar og eitt pétursskip. Nemendur þurftu að greina tegundirnar með hjálp fræðibóka. Lyktina lagði yfir skólann svo það var varla hægt að láta þetta fara fram hjá sér. Allir nemendur skólans komu við og fengu að líta herlegheitin augum. Starfsfólk tók sér einnig tíma úr degi til og leit við. Fullorðna fólkið var spennt fyrir pétursskipinu sem fæstir höfðu séð en nemendum fannst vitanlega blágóman vígalegust vegna stærðar hennar. Í lok dags voru tveir fiskar krufnir og mátti nema að hér væru sveitakrakkar á ferð miðað við áhuga, spennu og almenna jákvæðni þegar fiskarnir voru slægðir - greinilega ýmsu vön. Virkilega gott að eiga góða að en umsjónarkennari telur að þetta verði ein af þessum stundum sem þessir nemendur eiga eftir að muna vel eftir í lok sinnar grunnskólagöngu.

Alþjóðadagur Downs - heilkennis

Thu, 19 Mar 2026 11:03:00 +0000

Laugardaginn 21. mars er alþjóðadagur Downs - heilkennis og af því tilefni ætlum við að halda upp á daginn á morgun, föstudaginn 20. mars. Á alþjóðadegi Downs heilkennis göngum við um í ósamstæðum og litskrúðugum sokkum til að draga fram fjölbreytileikann og til að minna á mikilvægi hans í samfélaginu. Dagsetningin er táknræn, hún vísar til þess að Downs heilkennið er orsakað af auka litning í litningapari 21, það eru þrjú eintök af litning 21 - 21.03. Við hvetjum því nemendur og starfsfólk til að mæta í ósamstæðum og litskrúðugum sokkum á morgun.

Mottumarsdagurinn 19. mars

Wed, 18 Mar 2026 19:51:00 +0000

Á morgun, fimmtudaginn 19. mars, er mottumarsdagurinn. Við hvetjum nemendur og starfsfólk til að mæta með mottu í tilefni dagsins og/eða í mottumarssokkunum vinsælu. Krabbameinsfélagið hvetur líka alla landsmenn, konur og karla, til að taka þátt í deginum og gera sér glaðan dag með fjölskyldunni, vinum og vinnufélögum og vekja þannig athygli á baráttunni gegn krabbameinum hjá körlum. Svo allir karlar sem greinst hafa með krabbamein og aðstandendur þeirra finni stuðning okkar og samstöðu.

Stíll 2026

Wed, 18 Mar 2026 12:11:00 +0000

Laugardaginn 14. mars síðastliðinn tóku fjórir nemendur úr Varmahlíðarskóla þátt í hönnunarkeppninni Stíll. Stíll er árleg hönnunarkeppni þar sem keppt er í hárgreiðslu, förðun og fatahönnun út frá ákveðnu þema. Markmið Stíls er að hvetja unglinga til listsköpunar og um leið gefa þeim aukin tækifæri til frumlegrar hugsunar og virkja sköpunarhæfileikana. Keppnin vekur jákvæða athygli á því hvað unglingar eru að gera á sviði sköpunar, gefur þeim kost á að koma hugmyndum sínum á framfæri og sýna afrakstur margra mánaða undirbúningsvinnu hópsins. Rakel Sonja Ámundadóttir, Sigurbjörg Inga Sigfúsdóttir, Ólöf Helga Ólafsdóttir og Kolbrá Sigrún Sigurðardóttir tóku þátt í keppninni fyrir hönd Varmahlíðarskóla og unnu þær með þemað 18. aldar kjólastíll. Þær hafa verið í valgreininni Textíll/Stíll frá því í haust og undirbúið sig undir styrkri leiðsögn Þyrey Hlífarsdóttur textílkennara. Við óskum þeim innilega til hamingju með fallega hönnun.

Stöðu og framvindupróf

Thu, 05 Mar 2026 14:38:00 +0000

Eitt af því sem fylgir námi í grunnskóla er það að meta framfarir. Gaman getur verið að bera sig saman við aðra til þess að sjá hvernig gengur og hvort ekki miðar örugglega í rétta átt. Eitt mælitækið sem hefur bæst í safnið er Matsferill. Þar má fin...

Akureyrarferð

Wed, 04 Mar 2026 14:30:00 +0000

Í gær, þriðjudaginn 3. mars, fóru nemendur á unglingastigi í Akureyrarferð. Hluti af hópnum tók þátt í dagskrá fyrir þátttakendur Fiðrings í Hofi og á meðan fóru hinir í klifur hjá 600klifur.is. Fiðringur á Norðurlandi er hæfileikakeppni fyrir nemendur í 8.-10. bekk í anda Skrekks í Reykjavík og Skjálftans á Suðurlandi. Fiðringur er sviðslistahátíð þar sem unglingarnir fá að tjá sig í gegnum sköpun á þann þátt sem þeim hentar best. Þau semja allt sjálf; leikrit, tónlist, dansa ásamt því að sjá um búninga, leikmynd, hljóðmynd og víedeó. Í hádegismat fengum við dýrindis pítsahlaðborð hjá Greifanum og eftir matinn var farið í heimsókn í Menntaskóla Akureyrar (MA) og Verkmenntaskóla Akureyrar (VMA). Þar fengu nemendur innlit inn í heim framhaldsskólanna og það sem þeir hafa upp á að bjóða. Einnig var farið í heimsókn á heimavistina og fengu nemendur tækifæri til að skoða herbergin og sjá hvernig lífið er á heimavistinni. Þökkum við kærlega fyrir góðar mótttökur.

Gaman í snjónum

Sat, 28 Feb 2026 10:49:00 +0000

Það er fátt skemmtilegra en að fá tækifæri til að leika sér úti þegar snjórinn hylur skólalóðina. Nemendur á yngsta stigi nýttu sér vetrarveðrið vel í vikunni og fóru út að leika, kanna og skapa í snjónum. Þar voru byggðir snjókarlar af ýmsum stærðum og gerðum, mótaðar fígúrur og prófaðir alls konar vetrarleikir. Leikur í snjónum styrkir samvinnu, hreyfingu og sköpunargleði nemenda, auk þess sem hann kallar fram mikla gleði og hlátur. Útikennsla og frjáls leikur í náttúrunni er mikilvægur hluti af skólastarfinu og veitir nemendum dýrmæta reynslu sem nýtist bæði í námi og leik. Við erum glöð að sjá hversu vel nemendur njóta vetrarins og hlökkum til fleiri skemmtilegra stunda úti í snjónum á næstu dögum.

Nemendur í 10. bekk

Fri, 27 Feb 2026 18:34:00 +0000

Það er búið að vera mikið að gera hjá nemendum í 10. bekk þessa vikuna. Það hafa verið starfskynningar þar sem nemendur fóru í heimsóknir á vinnustaði og fengu tækifæri til að sjá starfsemi þar en það var til dæmis farið á lögreglustöð, Sýn Sport, bakarí, ísbúð og margt fleira. Fimmtudaginn 26. febrúar fóru nemendur í heimsókn til FNV og fengu þar kynningu um skólann, hittu nemendur og sáu leikritið Stella í orlofi sem nemendur FNV eru að sýna þessa dagana.

Hestadagar á Hólum

Fri, 27 Feb 2026 18:29:00 +0000

Nú í vikunni hafa nemendur í 9. bekk farið á þriggja daga hestanámskeið hjá Hestafræðideildarinnar á Hólum. Nokkurra ára hefð er orðin fyrir þessu samstarfi og hafa margir nemendur fengið tækifæri til að kynnast hestamennsku í fyrsta sinn. Nemendur fá bæði bóklega og verklega tilsögn og má búast við að flestir hafi eitthvað gagn af þessu og allir þó nokkuð gaman.

Skólastarf eftir vetrarfrí

Wed, 25 Feb 2026 11:15:00 +0000

Nú er skólastarfið hafið aftur eftir vetrarfrí sem varð óvenjulangt fyrir nemendur vegna leka í skólanum. Næstu dagar og vikur verða áskorun fyrir okkur öll en í sameiningu munum við gera okkar besta svo að öllum líði sem best á meðan á framkvæmdum stendur. Framkvæmdir og endurbætur eru á fullu og berum við vonir til að þær taki sem stystan tíma, en það verða þó nokkrar vikur.