Heimsókn í MA og VMA

Nemendur í 9. og 10. bekk fóru í vel heppnaða kynnisferð á opið hús í MA og VMA síðastliðinn miðvikudag. Kynningarnar hjá skólunum voru afar vel skipulagðar og var tekið virkilega vel á móti nemendum og fylgdarliði á báðum stöðum. Krakkarnir fengu góða innsýn í það fjölbreytta nám og félagslíf sem skólarnir tveir hafa upp á að bjóða. Einnig fengu krakkarnir kynningu á heimavistinni.
Á milli skólaheimsókna gæddu nemendur sér á pizzahlaðborði á Greifanum. Ferðin tókst í alla staði vonum framar og voru nemendur til fyrirmyndar.