Innritun og opnun frístundar við Varmahlíðarskóla

Síðasta vor var tekin ákvörðun um að opna frístund eða heilsdagsvistun við Varmahlíðarskóla, fyrir nemendur 1.-4. bekkjar. Frístund opnar strax í skólabyrjun og verður starfrækt frá skólalokum til hálffimm á daginn og stendur börnum einnig til boða á starfs- og foreldraviðtalsdögum skólans.

Foreldrar/forsjáraðilar þurfa að skrá börn sín í frístund, hægt er að skrá rafrænt á meðfylgjandi link, senda tölvupóst á varmahlidarskoli@varmahlidarskoli.is eða hringja í síma 455 6020. Vinsamlegast skráið börn ykkar sem fyrst. Börn úr 1. og 2. bekk hafa að öðru jöfnu forgang umfram eldri börn. 

Kostnaður fyrir vistun í frístund er skv. gjaldskrá Sveitarfélagsins Skagafjarðar, skiptist í dvalargjald kr. 254 pr. klukkustund og síðdegishressingu kr. 212 pr. skipti.
Athygli er vakin á því að frístund verður opin eftir að skóladegi lýkur (frá skólaaksturstíma) og því þurfa foreldrar/forsjáraðilar að sækja börn sín eftir vistunartíma í frístund þar sem skólarútur aka nemendum heim strax að skóladegi loknum.

Á eftirfarandi hlekk er hægt að innrita barn í frístund:
https://docs.google.com/forms/d/e/1FAIpQLSdPKa3p730ML3yMoKQNvbt1wFpHEAKipO4TRWP-Hd53JRkLCA/viewform?usp=sf_link