Fréttir

Kæru nemendur, aðstandendur og samstarfólk nær og fjær. Vonandi hafið þið öll átt gleðilega jálahátíð. Við sendum okkar bestu óskir um farsælt nýtt ár með þökkum fyrir góðar stundir og samstarf á síðasta ári. Kennsla hefst að nýju þriðjudaginn 3. janúar 2017 samkvæmt stundaskrá. Jólakveðja, starfsfólk Varmahlíðarskóla.

Valgreinar vorannar voru kynntar fyrir nemendum 8.-10. bekkjar í dag.

Í dag hittust vinabekkir skólans og skelltu sér í árlegt jólaföndur. Vinabekkirnir hittast a.m.k. tvisvar á ári til að treysta böndin og taka þátt í ýmsum verkefnum, t.d. unnu bekkirnir saman að verkefni sem tengdist Olweusardeginum s.l. nóvember. Ýmislegt var föndrað í dag - þæft jólaskraut, óróa, gluggaskraut ofl. Myndir eru af herlegheitunum....

Yndislestur hefst í Varmahlíðarskóla mánudaginn 12. desember og mun verða stundaður af öllum nemendum og starfsfólki á hverjum skóladegi út þetta skólaár. Í tilefni þess er ekki úr vegi að rifja upp með myndrænum hætti gildi þess fyrir orðaforða og málþroska að lesa reglulega.

Í dag, föstudag, kl. 17:00 heldur 10. bekkur jólabingó til styrktar ferðarsjóðs þeirra. Fjölmargir og fjölbreyttir vinningar eru í boði og eru allir velkomnir. Fjölbreyttir og flottir vinningar! Spjaldið er á kr. 500, sjoppa á staðnum en enginn posi.

Nóvembermánuður hefur verið býsna viðburðarríkur eins og myndasería mánaðarins sýnir (smellið á ,,lesa meira"). Söngvarar og píanóleikari gáfu tóndæmi af óperunni Baldursbrá sem sýnd var í Hörpu veturinn 2015, Sabína Halldórsdóttir landsfulltrúi hjá UMFÍ heimsótti 7. - 10. bekk, sem og tveir fulltrúar frá Rauða Krossinum...

Eins og margir vita sem heimsækja þessa síðu, sýndu nemendur í 1. - 6. bekk söngleikinn Ávaxtakörfuna þann 18. nóvember. Leikstjórinn Jenný Lára Arnórsdóttir var að sögn afar ánægð með sýninguna og ungu leikarana. Myndir voru teknar á generalprufunni, hægt er að sjá þær með því að smella á ,,lesa meira".

Aðventugleði foreldrafélagsins verður laugardaginn 26.nóvember kl 13-15 í Varmahlíðarskóla. Föndurstöðvar verða í skólastofum á neðri hæðinni, jólakortagerð, jólaperl, tréplatti, pappírsföndur og piparkökuskreytingar. Tónlistaratriði frá tónlistarskólanum í setustofunni. 10.bekkur verður með kaffihús í mstsalnum og selur vöfflur og kakó til styrktar ferðasjóði sínum. Allir velkomnir að kíkja við. Gott væri að hafa pennaveskið með og gaman ef sem flestir mættu með jólasveinahúfu.

Í dag heimsóttu fulltrúar Rauða Krossins nemendur 7. - 10. bekk með fyrirlestur sem kallast ,,Vertu næs". Þau Juan og Ola töluðu um hversu mikilvægt það er að sýna innflytjendum skilning þegar þeir reyna að komast inn í menningu og tungumál okkar. Þau bentu á þær áskoranir sem nýir íbúar glíma við og hversu mikilvægt það er að gefa fólki tækifæri og sýna þolinmæði en ekki taka á móti fólki með fordómum.