Fréttir

Skólaslit og útskrift nemenda 10. bekkjar fer fram við hátíðlega athöfn í Miðgarði, miðvikudaginn 30. maí kl. 20:00.

Fjórir nemendur Varmahlíðarskóla eyddu síðustu helgi á vinnustofu Nýsköpunarmiðstöð Íslands, en nýsköpunarhugmyndir þeirra voru valdar af 1200 hugmyndum sem sendar voru inn í keppnina víðsvegar af landinu. Lydia og Þóra í 7. bekk voru með hugmynd sína Sauðfjárteljarann, en Trausti í 6. bekk og Trausti Helgi í 5. bekk með Rúlluendastimpil. Þeir nafnar hlutu tæknibikar Pauls Jóhannssonar sem viðurkenningu fyrir framúrskarandi tæknilega útfærslu á hugmynd sinni.

Við leitum eftir öflugu fólki í okkar frábæra starfsmannahóp Varmahlíðarskóla. Eftirfarandi störf eru laus til umsóknar: Aðstoðarskólastjóri, grunnskólakennari á miðstigi (tímabundið til áramóta), textílkennsla (hlutastarf), málmsmíðakennsla (hlutastarf) og skólaliði. Umsóknum ásamt ferilskrá, prófskírteini og leyfisbréfi skal skilað í gegnum íbúagátt sveitarfélagsins, www.skagafjordur.is

Sundlaugin hefur verið opnuð eftir tímabundna lokun. Opnunartími er hefðbundinn en breytt opnun verður á uppstigningardag og annan í hvítasunnu. Þá daga verður opið kl. 10-15.

Kl. 20:00 hefst úrslitakeppnin í Skólahreysti í Reykjavík en henni verður sjónvarpað í beinni á RUV. Eftir morgunmat lögðu nemendur í 8. 10. bekk af stað til höfuðborgarinnar, ásamt nokkrum starfsmönnum. Þétt dagskrá bíður stuðningsmannanna, sem er hér neðar í fréttinni. Keppnisliðsmenn sjálfir fara í Laugardagshöllina um hádegið og búa sig undir átök kvöldsins. Samkvæmt áætlun er brottför norður um 23: 00 og þá heimkoma um 3 í nótt. Þeir sem gista fá að kúra fram að morgunmat og hefja svo nám kl. 9:20.

Sundlaugin í Varmahlíð verður lokuð á mánudaginn um óákveðinn tíma vegna framkvæmda.

Sundlaugin í Varmahlíð verður opin kl. 10-15 á sumardaginn fyrsta en lokuð föstudaginn 20. apríl.

Í dag fór fram keppni í skólahreysti í íþróttahöllinni á Akureyri. Varmahlíðarskóli vann Norðurlandsriðilinn, annað árið í röð! Þar með er aftur búið að tryggja skólanum þátttökurétt í lokakeppni skólahreystis sem fram fer í Reykjavík, 2. maí næstkomandi. Glæsilegaur árangur okkar nemenda. Áfram Varmahlíðarskóli!!!

Vinsamlegast athugið að símkerfi skólans er í ólagi sem stendur og allar símalínur óvirkar. Vinsamlegast notið gsm 891 8195 eða 898 6698.

Menntamálastofnun sendi frá sér tilkynningu kl 9:30 um að það hafi verið hnökrar hjá þjónustuaðila og vandamál með álag kom upp aftur. Enskuprófið gengur ekki sem skyldi. Sú ákvörðun hefur verið tekin að fresta fyrirlögn þess. Þeim sem eru í prófinu og gengur vel er að sjálfsögðu heimilt að ljúka við próftöku. Menntamálastofnun harmar þetta mjög. Við stjórnendur í Varmahlíðarskóla viljum koma eftirfarandi gagnrýni á framfæri: