Fréttir

Nemendur í 4. bekk héldu kynningu á sólkerfinu fyrir foreldra sína, starfsfólk og nemendum úr 2., 3. og 5. bekk. Þeir voru með skjásýningar um pláneturnar og sólina, sýndu myndverk af sólkerfinu og buðu svo upp á kaffi og meððí sem þeir höfðu útbúið í heimilisfræði.

12 nemendur í leiklistavali skólans sneru kátir heim á laugardagskvöldið, eftir tveggja daga hátíðarhöld á Egilsstöðum. Hátíðin er lokahnikkurinn í þátttöku hópsins í verkefninu Þjóðleikur sem er á vegum Þjóðleikhússins. Á hátíðinni sýndi hópurinn leikritið Útskriftaferðina eftir Björk Jakobsdóttur en á hátíðinni voru átta aðrir leikhópar, þ.á.m. frá Fjölbrautaskóla Norðurlands vestra.

Á mánudaginn n.k. er fyrirhuguð skíðaferð hjá 2., 3. og 9. bekk, ef veður leyfir. Að sjálfsögðu þurfa nemendur að koma með töskurnar sínar ef ferðin verður felld niður.

Í gær fóru 1., 4. og 6. bekkur á skíði í Tindastól. Veðrið var með besta móti, sól og peysuhlýtt og færið ágætt þar sem snjór troðinn.

Aðalfundur U.Í.Smára verður haldinn í dag, miðvikudaginn 15.apríl kl.18:30 í Varmahlíðarskóla. Á dagskrá er venjuleg aðalfundarstörf og eru allir velkomnir.

Á morgun, fimmtudag, er fyrirhuguð skíðaferð hjá 1., 4. og 6. bekk. Þá er um að gera að allir nemendur mæti vel klæddir á morgun og vopnaðir góða skapinu!

Að hádegi í dag voru þeir frekar lúnir en ótrúlega glaðlegir, 10. bekkingarnir sem höfðu nýlokið við sólarhringsíþróttamaraþoni. Maraþonið endaði á hressandi sundspretti og tiltekt í íþróttasalnum.

Nú stendur yfir íþróttamaraþon 10. bekkjar en það er liður í fjáröflun nemenda fyrir Danmerkurferð þeirra í vor. Maraþoninu var ýtt úr vör á hefðbundinn hátt, þ.e.a.s. allir nemendur og starfsfólks skólans mættu út í íþróttahús kl. 13:20 og tóku þátt í allskyns leikjum og keppnum. Maraþoni 10. bekkinga lýkur svo sólarhring síðar eða kl. 12:00 á morgun, föstudag.

Árshátíð yngri bekkja s.l. laugardag tókst prýðilega, en þá var sýndur söngleikurinn Allt í plati eftir Þröst Guðbjartsson í leikstjórn Helgu Rósar Sigfúsdóttur. Eins og áður var árshátíðin tekin upp og verður diskurinn til sölu hjá ritara þegar vinnslu á honum er lokið. Þangað til er hægt að sjá myndir teknar á árshátíðinni sem og generalprufunni.