Fréttir

Nú hefur gjaldskrá íþróttamiðstöðvarinnar verið hækkuð og sést á meðfylgjandi mynd.

Á mánudaginn 2. febrúar er samráðsdagur í Varmahlíðarskóla og því engin kennsla. Umsjónarkennarar hafa sent miða og/eða tölvupóst heim með tímasetningum á fundunum. Foreldrar og forráðamenn eru vinsamlegast beðnir um að láta vita ef tilgreindir tímar henta ekki.

Nemendur í 1.-6.bekk fóru í samvinnu að tilefni af útgáfu bókarinnar Jólin hans Hallgríms eftir Steinunni Jóhannesdóttur, en hún fjallar um æsku Hallgríms Péturssonar.

Í gær hittust vinaliðar haust- og vorannar í myndatöku, ásamt Hafdísi Eddu. Vinaliðaverkefnið er starfrækt nú þriðja skólaárið í röð og ættað frá Noregi.

Í dag smíðuðu nokkrir nemendur 6. bekkjar eldstó hjá Orra málmsmíðaskennara. Eldstó þessi er m.a. ætluð til brauðbaksturs og verður notuð bæði í heimilisfræði og í tengslum við Sturlungaverkefni, sem nemendur í 6. bekk eru aðalþátttakendur í.

Fréttamenn frá akureysku sjónvarpsstöðinni N4 mættu á generalprufu á Footloose s.l. föstudag.

Árshátíð eldri bekkja tókst glimrandi vel s.l. föstudagskvöld, en þá sýndu nemendur 10. bekkjar, ásamt 7. - 10. bekkingum, dans- og söngleikinn Footloose.

Nú standa yfir þrotlausar æfingar á dans- og söngleiknum Footloose, en hann verður sýndur á morgun, föstudag, kl. 20:00 í Miðgarði. Að lokinni sýningu verða kaffi og veitingar í skólanum. Kl. 22:00 - 00:30 er ball í Miðgarði sem Plötusnúðarnir DJ Amma og MC Morph sjá um, frístundastrætó ekur til og frá Varmahlíð. Aðgangseyrir kr. 1000. Eldri nemendur eru velkomnir.

Gleðilegt nýár og kærar þakkir fyrir samstarf og samveru á gamla árinu. Skólahald hefst stundvíslega kl. 8:20 í fyrramálið, mánudag, með hefðbundinni stundarskrá. Þó mega nemendur í 10. bekk búast við að undirbúningur fyrir árshátíð hefjist þennan fyrsta skóladag nýja ársins.