Fréttir

Café Danmark er verkefni í dönsku sem nemendur í 10. bekk voru að vinna að. Verkefnið gekk út á að kynnast danskri menningu og unnu þau í hópum og kynntu sér menningu, borgir og fleira. Að loknu verkefni settu þau á laggirnar danskt kaffihús og buðu fjölskyldum sínum að koma. Til að byrja með kynnti hver hópur sitt efni og að lokum var öllum boðið upp á veitingar. Nemendur höfðu útbúið smörrebröd, smjördeigshorn, saft og kaffi. Afar góð stund og runnu veitingarnar ljúflega niður.

Nemendur voru hvattir til lesturs í jólafríinu. Þau skiluðu þar til gerðu blaði með staðfestingu á lestri. Dregið var úr jólalestrinum í dag og hlutu nemendurnir bækur í verðlaun. Verðlaunahafar eru Edda Björg, Marta Fanney og Hólmar Kári. Til hamingju krakkar!

Sameiginleg stöðvavinna var í dag, fimmtudag, hjá nemendum á yngsta stigi og skólahóp leikskólans.

Já, það styttist í að nemendur í 8.-10. bekk sýni söngleikinn Grease á sviði Miðgarðs. N.k. föstudag kl. 19:30 hefst sýningin og í kjölfarið er veislukaffi í skólanum. Unglingaball 10. bekkinga verður í Miðgarði til kl. 23:00 en það er plötusnúðurinn Háski sem þeytir skífur.