Fréttir

Keppnislið Varmahlíðarskóla mun keppa í úrslitakeppni Skólahreysti 2025 sem fram fer í Reykjavík 24. maí n.k. Varmahlíðarskóli hafnaði í 2. sæti í sínum riðli en kemst áfram vegna fjölda stiga, ásamt þremur öðrum skólum á landinu. Það er því ljóst að hluti nemenda mun leggja land undir fót og ferðast til Reykjavíkur á lokakeppni Skólahreysti 2025 - Áfram Varmahlíðarskóli!

Þriðjudaginn 29. apríl kl. 13 verður opnun list- og verksýningar í menningarhúsinu Miðgarði. A því tilefni hefur verið efnt til ljósmyndakeppni meðal nemenda á unglingastigi, síðasti skiladagur er þriðjudaginn 22. apríl. Nemendur geta skilað allt að þremur ljósmyndum undir þemanu ,,Upphaf", en hægt er að túlka það á ýmsa vegu. Myndirnar sendist á netfangið iriso@vhls.is. Á opnuninni fá ljósmyndarar þriggja bestu myndanna, að mati dómnefndar, afhent verðlaun en allar ljósmyndirnar verða til sýnis í Miðgarði fram til 5. maí ásamt öðrum verkum nemenda.

S.l. fimmtudag sýndi yngsta- og miðstig ásamt skólahóp leikritið Áfram Latibær í þétt setnum Miðgarði. Sýningin tókst sérlega vel í alla staði og margir voru þeir leiksigrarnir meðal nemenda, stórra sem og smárra. Nú geta leikararnir sjálfir fengið að horfa á leikritið en eins og gefur að skilja sjá þeir aldrei nema brot og kafla af verkinu. Með því að smella á fyrirsögn fréttarinnar getið þið nálgast slóðina að myndbandinu.