Fréttir

Nemendur voru hvattir til lesturs í jólafríinu. Þau skiluðu þar til gerðu blaði með staðfestingu á lestri. Dregið var úr jólalestrinum í dag og hlutu nemendurnir bækur í verðlaun. Verðlaunahafar eru Edda Björg, Marta Fanney og Hólmar Kári. Til hamingju krakkar!

Sameiginleg stöðvavinna var í dag, fimmtudag, hjá nemendum á yngsta stigi og skólahóp leikskólans.

Já, það styttist í að nemendur í 8.-10. bekk sýni söngleikinn Grease á sviði Miðgarðs. N.k. föstudag kl. 19:30 hefst sýningin og í kjölfarið er veislukaffi í skólanum. Unglingaball 10. bekkinga verður í Miðgarði til kl. 23:00 en það er plötusnúðurinn Háski sem þeytir skífur.

Gaman saman er verkefni sem 1. bekkur í Varmahlíðarskóla vinnur með skólahóp á leikskólanum Birkilundi. Alla fimmtudaga hittast þessir hópar og vinna verkefni saman. Skólarnir eru heimsóttir á víxl og í dag var skólahópur hjá okkur og verkefni dagsins var Osmo. Góð samvinna er milli hópanna og dýrmæt vinátta sem hefur myndast.

Starfsfólk Varmahlíðarskóla óskar öllum gleðilegs nýs árs með þökkum fyrir samstarf, samveru og hlýju á árinu 2023.

Í morgunsárið gengu nemendur og starfsfólk um í skóginum í svo kallaðri rökkurgöngu. Margir voru með vasaljós með sér sem skapaði skemmtilega stemningu. Fyrsta stopp var í Sigurðarlundi. Þar voru sungin nokkur lög. Næsta stopp var í Þuríðarlundi og þar var einnig sungið. Að lokum var svo boðið upp á kakó og piparkökur við aðstöðuhúsið á tjaldsvæðinu þar sem búið var að henga upp stóra jólaseríu. Veðrið lék við okkur þrátt fyrir slæma veðurspá.