Fréttir

Nokkuð er um óskila fatnað eftir skólaárið. Endilega nálgist það sem þið kannist við.

Í dag, þriðjudag, fóru nemendur í 1. - 4. bekk í skólaferðalag á Hofsós.

Það gekk mikið á í heimilisfræðitímum s.l. mánudag en þá græjuðu 6. bekkingar kartöflugarð fyrir Varmahlíðarskóla klárann til niðursetningar, undir öruggri stjórn Sigfríðar heimilisfræðikennara. Í kjölfarið mættu 4. bekkingar og settu niður kartöflurnar. Veðrið var frábært og virtust allir hafa gaman og gott af. Nú er svo bara að bíða og sjá hvernig uppskeran tekst til í sumar!

Í dag, 17.maí, voru nemendur í 1. - 4. bekk í útieldun í útikennslutímanum.

Við vekjum sérstaka athygli á því að skólaslit verða mánudaginn 30. maí kl. 17:00 í Miðgarði. Þar munu allir nemendur skólans fá afhent vitnisburðarblöð sín og foreldrar og aðrir aðstandendur eru velkomnir. Boðið verður uppá kaffi í Varmahlíðarskóla að lokinni athöfn.

Við vekjum sérstaka athygli á því að skólaslit verða mánudaginn 30. maí kl. 17:00 í Miðgarði. Þar munu allir nemendur skólans fá afhent vitnisburðarblöð sín og foreldrar og aðrir aðstandendur eru velkomnir. Boðið verður uppá kaffi í Varmahlíðarskóla að lokinni athöfn. Þetta er breyting frá því sem áður var áætlað í skóladagatali, skólaslitin eru færð fram um einn dag, með samþykki og í samráði við skólaráð.

Innritun nemenda í 1. bekk Varmahlíðarskóla skólaárið 2022-2023 er hafin (börn fædd 2016). Innritun fer fram með rafrænt, með því að smella á eftirfarandi hlekk og fylla út innritunareyðublaðið Innritun nemenda. Einnig bendum við á rafræna skráningu í frístund fyrir næsta skólaár. Aðstoð eða nánari upplýsingar er hægt að fá hjá skólaritara.

Varmahlíðarskóli sigraði 6. riðil í undankeppni skólahreystis og er því búið að tryggja sér sæti í úrslitum sem fara fram í Laugardalshöll 21. maí. Í upphafi keppni varð strax ljóst að Varmahlíðarskóli ætlaði sér sigur en við vorum efst í tveimur af fjórum einstaklingsgreinum áður en kom að hinni æsispennandi hraðaþraut sem við unnum með yfirburðum. Til gamans má geta þess að þetta er sjötta árið í röð sem skólinn tryggir sér þátttöku í úrslitum. Alls átta sinnum hefur Varmahlíðarskóli komist í úrslit af þeim tólf skiptum sem skólinn hefur tekið þátt.

Nemendur í 5. - 7. bekk tóku þátt í Nýsköpunarkeppni grunnskólanna á dögunum og sendu inn nokkuð margar hugmyndir. Af 25 hugmyndum sem komust áfram til að taka þátt í vinnusmiðju NKG 2022 í Reykjavík áttu þær Sigurbjörg Inga Sigfúsdóttir og Sigurbjörg Svandís Guttormsdóttir eina. Hugmynd þeirra er LBHA app (LesBlinduHjálparAppið) sem hjálpar lesblindum að lesa og skrifa. Vinnustofan verður haldin í Háskóla Reykjavíkur, dagana 19. og 20. maí næstkomandi.