Fréttir

Skólabókasafni Varmahlíðarskóla barst á dögunum peningagjöf frá Kiwanis klúbbnum Freyju á Sauðárkróki. Gjöfin var nýtt til að kaupa nýútgefnar barnabækur sem ungir lesendur hafa beðið spenntir eftir að fá í hendur. Við sendum Kiwaniskonum kærar þakkir fyrir.

Fimmtudaginn 2.desember síðastliðinn var jólaföndur í skólanum.

Nemendur 4. bekkjar fóru í árlega vettvangsferð í síðustu viku til að fella og sækja jólatré. Þessi hefð er afar notaleg og ævintýri í hvert sinn. Búið var að undirbúa leiðangurinn en svo fór að tréð sem átti upphaflega að sækja fannst ekki aftur, snjókoma næturinnar hafði breytt ásýnd skógarins og þrátt fyrir talsverða leit fannst það ekki. Því þurfti að leita að öðru tré og vakti þetta ansi mikla kátínu. Þegar tréð var fundið hófust nemendur handa við að saga og fella tréð. Vaskir og kraftmiklir krakkar voru nú ekki lengi að því. Þau voru heldur ekki lengi að taka tréð á milli sín og tölta saman syngjandi kát með fenginn niður á skólalóð. Það er orðin hefð, við upphaf aðventu, að allir nemendur og starfsfólk skólans fari út, telji niður og formenn nemendaráðs tendra jólaljósin á trénu við skólann. Á sömu stundu er kveikt á ártali og stjörnu í Reykjarhólnum. Ljósin voru tendruð á föstudaginn var. Allir komu saman úti, dönsuðu dátt og sungu jólasöngva við undirleik Stefáns R. Gíslasonar sem lék á harmonikku. Nemendur fengu síðan jólalegan morgunverð, heitt súkkulaði, ostabrauð, mandarínur og piparkökur. Við hvetjum alla til að staldra við um stund í amstrinu, gleðjast með sínum nánustu og leggja rækt við kærleika. Njótið aðventunnar!

Nemendur í 1. og 2.bekk, ásamt kennurum, fóru í vettvangsferð í Goðdalakirkju í dag, miðvikudag 24.nóvember.

Nemendur í 1.-4.bekk gerðu æfingabanka í útikennslutíma og hengdu upp í skóginum norðan við skólann (inn á skólalóðinni).

Við vekjum athygli á breytingu skóladagatals: fyrirhuguðum samráðsdegi og starfsdegi í næstu viku er víxlað (mánud. og þriðjud.). Samráðsdagur verður mánudaginn 11. október og starfsdagur þriðjudaginn 12. október.

Fimmtudaginn 30.september kom skólahópur í heimsókn til nemenda í 1. og 2.bekk.

Skólahaldi Varmahlíðarskóla er aflýst í dag, þriðjudaginn 28. september, vegna versnandi veðurs og óvissuástands.

Haustfundir verða miðvikudaginn 22. september kl. 15:00-16:00 í Varmahlíðarskóla. Haustfundir fyrir foreldra eru kynningarfundir ætlaðir foreldrum og forsjáraðilum allra nemenda. Tilgangur fundanna er að kynna helstu áherslur skólastarfsins og gefa foreldrum tækifæri til þess að hitta stjórnendur, umsjónarkennara barna sinna og aðra foreldra í námshópnum. Árangursríkt skólastarf byggir á góðri samvinnu og gagnkvæmu trausti heimilis og skóla. Við vonumst til að sjá fulltrúa allra nemenda á fundinum því samstarf okkar er lykilatriði í að stuðla að jákvæðum árangri og velferð hvers nemanda. Fyrirkomulag fundar er þannig að fyrst er stuttur sameiginlegur fundur allra. Síðan taka við stigskiptir fundir þar sem umsjónarkennarar fara nánar yfir markmið og áherslur í námi, samvinnu, samskiptum og menningu sinna aldurshópa. Þá er gert ráð fyrir að foreldrum gefist tækifæri til að fara á milli hópa til að hitta umsjónarkennara sinna barna ef um systkini er að ræða.