Fréttir

Athugið að mánudaginn 15. mars verður starfsdagur í Varmahlíðarskóla. Það er tilfærsla á starfsdegi sem var fyrirhugaður 5. nóv. en frestað um óákveðinn tíma vegna aðstæðna. Skóladagatal hefur verið uppfært á heimasíðu skólans. Breytingarnar eru að höfðu samráði og með samþykki skólaráðs.

Í gær fóru nemendur fyrsta, annars, sjötta, sjöunda og tíunda bekks í skíðaferð í Tindastól. Veðrið var falleg og færi var gott. Heilt yfir gekk ferðin vel. Stefnt er að annari ferð á mánudag með þá árganga sem ekki fóru í gær. Með fréttinni fylgja myndir frá gærdeginum.

Árshátíð 1.-4.bekkjar var haldin þriðjudaginn 16.febrúar síðastliðinn í Miðgarði. Leikritið Herramennirnir var sett upp og höfðu allir nemendur hlutverk í leikritinu. Umsjónarkennarar sáu um skipulag og leikstjórn.

Í tilefni Öskudags var skólastarf brotið upp eftir fyrstu kennslustundir dagsins. Vinabekkir fóru saman í gönguferð um Varmahlíð ásamt starfsfólki. Hóparnir heimsóttu fyrirtæki og vildarvini.

Vilt þú koma skoðun þinni á framfæri? Sveitarfélagið Skagafjörður og Akrahreppur stefna sameiginlega að uppbyggingu skólamannvirkja fyrir leik-, grunn- og tónlistarskóla á einum stað í núverandi húsnæði Varmahlíðarskóla. Leitað er að áhugasömum einstaklingum til að taka þátt í undirbúningi í mótun skólaumhverfis í Varmahlíð. Markmiðið er að ná fram sjónarmiðum ólíkra hagsmunahópa í vinnu við gerð þarfagreiningar vegna leik- og grunnskóla og hönnunar á umhverfi skólans. Við hönnunina verður eftir því sem unnt er haft að leiðarljósi að ákveðnir þættir þeirrar starfsemi sem nú fara fram í húsinu geti einnig þjónað nærsamfélaginu með víðtækari hætti. Gert er ráð fyrir tveimur hópavinnufundum þar sem farið verður í gegnum hugmyndir sem nýttar verða við undirbúning hönnunar. Leitað er að einstaklingum á öllum aldri sem búa og sækja þjónustu á svæðinu.

Skólahópur leikskólans kom í heimsókn hjá nemendum í 3. - 4.bekk í dag.

Nemendur í 3.-4.bekk fóru í leikskólaheimsókn í dag.

Þriðjudaginn 26.janúar var haldið þorrablót í skólanum.

Fimmtudaginn 28.janúar kom skólahópur í heimsókn til nemenda í 2.bekk.

Skólahald fellur niður í dag vegna veðurs og ófærðar.