Fréttir

Vinaliðaverkefnið fékk í vikunni hvatningarverðlaun mennta- og menningarmálaráðuneytisins sem afhent voru 8. nóvember 2018 á degi gegn einelti. Í Varmahlíðarskóla starfa Vinaliðar og stuðla með sinni þátttöku að aukinni virkni nemenda í frímínútum, góðum samskiptum og jákvæðum skólabrag.

Föstudaginn n.k. verða nemendur 10. bekkjar með kökubasar í Olís í Varmahlíð (áður Kaupfélag Skagfirðinga) kl. 13:30 - 15:30, eða þar til birgðir endast. Ágóðinn rennur í ferðasjóð 10. bekkjar, en að venju stefna nemendur í útskriftaferð til Danmerkur í vor. Við hvetjum fólk til að mæta og nýta sér ljúffengan heimabakstur, bæði fínan og hversdags.

Árshátíð yngra stigs verður haldin í Miðgarði, fimmtudaginn 1. nóvember kl. 16:30. Nemendur 1.-5. bekkjar leika valda búta úr ævintýrum Thorbjørns Egner. Leikstjórn er í höndum umsjónarkennara. Það eru allir velkomnir á árshátíð!

Opnunartími í sundlaug Varmahlíðar hefur verið lengdur tímabundið. Opið er mánudaga til fimmtudaga kl. 8:00-21:00, föstudaga kl. 8:00-17:00 og um helgar er opið kl. 10:00-15:00. Sérstaklega viljum við vekja athygli á því að nú er opið bæði laugardaga og sunnudaga.

Sundlaugin í Varmahlíð hefur verið opnuð aftur eftir tímabundna lokun. Opið er í báðar laugarnar og heita pottinn en nýja rennibrautin er ekki alveg tilbúin og verður opnuð síðar. Vetraropnun er eftirfarandi:

Á samráðsdegi skólans n.k. fimmtudag bjóða nemendur í 9. bekk upp á vöflur og kaffi á kr. 500. Ágóðinn rennur í ferðasjóð þeirra en vikuna 8. - 12. október dvelja þau að Laugum í Sælingsdal í ungmennabúðum á vegum UMSS. Við hvetjum foreldra, nemendur og starfsfólk til að njóta góðra veitinga hjá krökkunum í 9. bekk.

Forvarnarfræðsla Magga Stef fyrir foreldra verður í Varmahlíðarskóla, mánudaginn 24. sept. kl. 16:30-18:00. Allir velkomnir en foreldrar 7.-10. bekkjar eru boðaðir sérstaklega.

Eins og fyrri skólaár, er bókasafn Varmahlíðarskóla opið fyrir almenning. Þeir tímar eru á fimmtudögum kl. 13:00 – 16:00. Allir velkomnir og mögulegt er að semja um aðra tíma ef þessir henta ekki.

Skólasetning Varmahlíðarskóla verður í íþróttahúsinu fimmtudaginn 23. ágúst kl. 14:00. Skólastjóri setur skólann og að lokinni setningu ganga nemendur með umsjónarkennurum sínum í kennslustofur þar sem farið verður yfir skólabyrjun og praktísk atriði. Að endingu verður boðið upp á kaffi og djús í setustofu. Foreldrar og forsjáraðilar eru hvattir til að mæta með börnum sínum. Kennsla hefst samkvæmt stundatöflu föstudaginn 24. ágúst

Undirbúningur skólastarfs hefst formlega 15. ágúst með sameiginlegum fræðsludegi starfsfólks skólanna í Skagafirði. Skólasetning verður fimmtudaginn 23. ágúst kl. 14:00.